करिब डेढ महिनाको फरकमा सप्तरीमा दुई बटा हात्तीको करेण्ट लागेर मृत्यु भएको छ । चार महिनादेखि ६ बटा हात्तीको समुहले आतंक मचाई रहेको सप्तरीको खडक नगरपालिकामा ४ मा शनिबार विहान एकबटा हात्तीको करेण्ट लागेर मृत्यु भएको छ।
हात्तीको आतंकविरुद्ध गहुँबाली जोगाउँ खडक नगरपालिकाको वडा नम्बर ४ अमहामा स्थानीयले जोडेको विद्युतीय धरापमा परी हात्तीको मृत्यु भएको प्रहरीले जनाएको छ । कोशी टप्पु वन्यजन्तु आरक्षबाट आएको भाले हात्ती गाउँ प्रवेश गर्न लाग्दा करेन्ट लागेर मृत्यु भएको सप्तरीका प्रहरी प्रवक्ता प्रहरी नायव उपरीक्षक भुवनेश्वर साहले बताउनुभयो ।