रौतहट। चन्द्रपुर नगरपालिकाले चाँदी खोला उत्खननको लागि ठेक्का दिएको कम्पनीले नियम विपरीत खोला उत्खनन गरेको स्थानीयले गुनासो गरेका छन् । खोला उत्खनन गर्न ठेक्का पाएको आशिक कन्स्ट्रक्सन,वृन्दावन रौतहटले मोतीपुर घाट र मर्दर सिमसार घाटबाट नियम विपरीत मनलाग्दी खोला उत्खनन गरेको भन्ने जनगुनासो बढेपछि नगरपालिकाले स्थलगत अनुगमन गर्दा नियम मिचेर,३देखि ४ मिटर गहिरो पारेर नदिजन्य पदार्थ उत्खनन गरेको पाइएको नगरपालिकाका अनुगमन संयोजक काजीमान कुश्वारले बताए ।