काठमाडौं : दलित भएकै कारण कोठा भाडामा नदिने काठमाडौं की एक घरबेटीलाई प्रहरीले पक्राउ गरेको छ।तनहुँकी २४ वर्षीय रूपा सुनारलाई कोठा नदिने बबरमहलस्थित प्रधान थरकी महिलालाई महानगरीय प्रहरी वृत्त सिंहदरबारले आइतबार पक्राउ गरेको हो।वृत्तका प्रमुख प्रहरी नायब उपरीक्षक (डिएसपी) हरिबहादुर सिंहले घरबेटीविरूद्ध गत शुक्रबार नै जिल्ला अदालतबाट पक्राउ अनुमति लिएर आइतबार पक्राउ गरिएको जानकारी दिए।आफ्नी आमासँग बस्दै आएकी रूपा गत मंगलबार बबरमहलमा कोठा खोज्न गएकी थिइन्। सुरूमा घरबेटीले कोठा दिने कुरा गरेकी थिइन्।
