काठमाडौं । आइतवार पाँच कम्पनीको बोनस शेयर धितोपत्र दोस्रो बजारमा सूचीकृत भएको छ ।
सांग्रिला डेभलपमेन्ट बैंकको ८ दशमलव ५३ प्रतिशत, एनएलजी इन्स्योरेन्सको १० प्रतिशत, लक्ष्मी लघुवित्तको १५ प्रतिशत, इन्फिनिटी लघुवित्तको २० प्रतिशत र सबैको लघुवित्तको १८ प्रतिशत बोनस शेयरबापतको कुल ५७ लाख ८६ हजार ९४२ दशमलव ४६७ कित्ता शेयर सूचीकृत भएको हो ।
सांग्रिला डेभलपमेन्ट बैंकले चैत १७ गते, एनएलजी इन्स्योरेन्सले चैत २० गते, लक्ष्मी लघुवित्तले फागुन २९ गते, इन्फिनिटी लघुवित्तले फागुन १३ गते र सबैको लघुवित्तले फागुन २६ गते वार्षिक साधारण सभामार्फत पारित बोनस शेयर कारोबारयोग्य बनाएका हुन् ।
सोमवारदेखि कारोबारयोग्य हुने शेयरको सम्बन्धित शेयरधनीहरूले आफ्नो हितग्राही खातामा जम्मा भएपछि मात्र कारोबार गर्न सक्नेछन् । यस वर्ष बोनस शेयर कर प्रयोजनका लागि सबैको लघुवित्तले शून्य दशमलव ९५ प्रतिशत, सांग्रिला डेभलपमेन्ट बैंकले शून्य दशमलव ४५ प्रतिशत, एनएलजी इन्स्योरेन्सले शून्य दशमलव ५३ प्रतिशत र लक्ष्मी लघुवित्तले करसमेत ५ प्रतिशत नगद लाभांशसमेत यस वर्ष वितरण गरेका छन् ।