विराटनगरस्थित कोशी राजमार्गमा शनिबार बिहान भएको टिपर दुर्घटनामा २ जनाको मृत्यु हुनुकासाथै एकजना गम्भीर घाइते भएका छन् ।
बूढीगंगा गाउँपालिकाको वडानम्बर १ तथा विराटनगर प्रवेशद्वार नजिकैको कोशी राजमार्गमा टिपरले मोटरसाइकललाई ठक्कर दिंदा मोटरसाइलमा सवार २ जनाको मृत्यु हुनुका साथै एकजना गम्भीर घाइते भएको प्रहरीले जनाएको छ । मृत्यु हुनेमा मोटरसाइकल चालक सिरहाका २० वर्षीय हरेराम साह र सिरहाकै लहानका २१ वर्षीय मोहम्मद ओजिर रहेको जनाइएको छ ।
