काठमाडौं (अस) । ग्राहकलाई छूट दिने सम्बन्धमा सिटिजन्स बैंक र बज रेस्टुरेन्टबीच सम्झौता गरिएको छ । सम्झौतासँगै सुर्खेतस्थित बज रेस्टुरेन्टका विभिन्न सेवामा बैंकका ग्राहकले १० प्रतिशतसम्म छूट पाउनेछन् । छूट सुविधा लिन ग्राहकले कार्ड तथा मोबाइल बैंकिङ लगायत डिजिटल माध्यमबाट भुक्तानी गर्नुपर्नेछ । सो सम्झौताको कार्यान्वयनले बैंकका ग्राहक लाभान्वित हुने बताइएको छ ।
बैंकले हालसम्म कार्ड नभएका आफ्ना ग्राहकलाई तत्कालै नयाँ कार्ड उपलब्ध गराउन सिटिजन्स इन्स्ट्यान्ट कार्डको व्यवस्था समेत गरेको बताएको छ । बैंकले हाल १७४ शाखा, १२५ एटीएम र ९३ शाखारहित बैंकिङबाट सेवा दिँदै आएको छ ।