सरकारले ज्येष्ठ नागरिकलाई हवाई भाडामा ५० प्रतिशत छुट दिने योजना सार्वजनिक गरेसँगै यसको समर्थनभन्दा विरोधको स्वर बढी सुनिएको छ । समाजका ज्येष्ठ नागरिकले यसको समर्थन गर्न नपाउँदै वायुसेवा सञ्चालकहरूले यसको विरोध गरिसकेका छन् । निर्णय कार्यान्वयन सुरु नहुँदै सरोकारवालाको चर्को विरोधका बीच यो नीति लागू होला भन्ने अब कमैलाई मात्र अपेक्षा छ भने कतिपयले सरकारले कुनै तयारीबिना नै यस्तो निर्णय गरेको भन्दै आलोचना गरिरहेका छन् ।