महिलालाई पत्रकारितामा आकर्षित र प्रोत्साहन गर्न नेपाल पत्रकार महासंघ इलाम शाखाले पत्रकार महिला पुरस्कार स्थापना गरेको छ। शाखा अध्यक्ष कोकिला ढकालले महासंघको १६औं साधारणसभा अवसरमा पुरस्कार स्थापनाको घोषणा गरिन्।
प्रेस काउन्सिल नेपालले यस वर्षको गोपालदास पत्रकारिता पुरस्कार अग्रज पत्रकार महिला निर्मला शर्मालाई प्रदान गर्ने निर्णय गरेको छ । करिब तीन दशकदेखि नेपाली पत्रकारिताको विभिन्न विधामा रही सामाजिक रूपान्तरण, लैङ्गिक न्याय र प्रेस तथा अभिव्यक्ति स्वतन्त्रताको पक्षमा निरन्तर कलम चलाउँदै आउनुभएकी शर्मालाई उक्त पुरस्कार प्रदान गर्ने निर्णय भएको काउन्सिलले जनाएको छ । पुरस्कारको राशि एक लाख ५१ हजार रुपियाँ रहेको छ ।
