नेपालकी नम्बर एक महिला टेनिस खेलाडी नविता श्रेष्ठले सोमबार स्ट्याग च्याम्पियन्स टेबल टेनिस एकेडेमी सञ्चालनमा ल्याउनुभएको छ ।
काठमाडौंको खुसिबँुस्थित पलेस्वाँ मार्गमा टेबल टेनिस ‘टेटे’ एकेडेमी सञ्चालनमा आएको छ । नेपाल ओलम्पिक कमिटीका अध्यक्ष जीवनराम श्रेष्ठले सो टेटे एकेडेमीको उद्घाटन गर्नभयो । एकेडेमीमा हाल छ वटा टेबल टेनिस बोर्ड रहेको छ । तीन सत्रमा प्रशिक्षणको समय मिलाइएको सो एकेडेमीमा राकेश महर्जन प्रमुख प्रशिक्षकको रुपमा रहनुभएको छ । यसैगरी, आठ पटककी नेपाल च्याम्पिययन नविता र एलिना महर्जनले पनि प्रशिक्षण दिनुहुनेछ ।
नविताले धेरै अघिदेखि एकेडेमी संचालन गर्ने सोच रहेको र त्यसलाई परिवारको सहयोग तथा साथले आप्mनो सपना साकार भएको बताउनुभयो । ‘१३ औं दक्षिण एसियाली खेलकुदपछि प्रशिक्षकको क्यारियरलाई अघि बढाउने सोच बनाएकी थिएँ, त्यसैलाई यथार्थता प्रदान गर्न एकेडेमी स्थापना गरेका हौँ’ उहाँले भन्नुभयो । नविताले विभिन्न देशमा जाँदा त्यहाँको एकेडेमी र टेबल टेनिसको विकासले आफूलाई यस क्षेत्रमा अघि बढ्ने प्रेरणा प्रदान गरेको भनाइ पनि राख्नुभयो ।
