काठमाडौं। एनएमबि बैंकले ‘लैंगिक समता तथा सामाजिक समावेशीकरण’ योजना सार्वजनिक गरेको छ । बैंकले समावेशी र समतामूलक समाज निर्माणमा आफ्नो प्रतिबद्धतालाई प्रवद्र्घन गर्दै यो योजना सार्वजनिक गरेको हो । यस नीतिले समाजमा विविधता प्रवद्र्घन, सीमान्तकृत समुदायलाई सशक्तीकरण र समुदायमा लैंगिक समानतालाई प्रोेत्साहन गरेको बताइएको छ ।
योजनाले समग्र बैंकिङ प्रणाली लगायत आफ्ना कर्मचारी, ग्राहक र समुदायका विभिन्न आवश्यकता पूरा गर्दै पहुँचयोग्य, समावेशी र उत्तरदायी बैंकिङ वातावरण सृजना गर्न मद्दत पुुर्याउने बैंकको अपेक्षा छ । यो योजना कार्यान्वयन गर्दै विभिन्न शाखामा अपांगता भएका ग्राहकलाई ह्विलचेयर र्याम्प स्थापना गरेको बैंकले जानकारी दिएको छ । महिला नेतृत्व विकास गर्न देशभर महिला नेतृत्व कार्यक्रम, महिला उद्यमीलाई प्रोत्साहन गर्न विशेष सुविधासहितको आकर्षक कर्जा उपलब्ध गराउँदै आएको बताइएको छ । बैंकले सुन्दर सुदूरपश्चिम बचत खाता, कर्णाली विशेष बचत खाता, लुम्बिनी बचत खाता, मेरो गण्डकी बचत खाता, अपन एनएमबि बचत खाता, पाथीभरा बचत खाता लगायत प्रदेश केन्द्रित बचत खाता ल्याएको जानकारी दिएको छ ।
