थप १६४० जनामा कोरोना संक्रमण पुष्टि, २१६१ जना संक्रमणमुक्त

भदौ २३ , काठमाडौं । नेपालमा विगत २४ घण्टामा १ हजार ६४० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले बुधवार दिएको जानकारी अनुसार उक्त अवधिमा ९ हजार ७६७ जनाको पीसीआर परीक्षण गर्दा १ हजार ३४७  जना र ३ हजार ६८८ जनाको एन्टिजेन परीक्षण गर्दा २९३ गरी १ हजार ६४०  जनामा कोरोना भाइरसको संक्रमण पुष्टि भएको छ । मन्त्रालयका अनुसार सो अवधिमा कोरोना संक्रमणबाट १० जनाको मृत्यु भएको छ । योसँगै नेपालमा हालसम्म कोरोना संक्रमणका कारण मृत्यु हुनेको संख्या १० हजार ८८९ पुगेको छ । यसैगरी विगत २४ घण्टाको अवधिमा  २ हजार १६१  जना निको भएका छन् ।सो अवधिमा थपिएका संक्रमितसँगै नेपालमा कोरोना संक्रमितको संख्या ७ लाख ७३ हजार ५२९ पुगेको छ ।  नेपालमा हालसम्म ७ लाख ३३ हजार १६१ जना कोरोना संक्रमणबाट मुक्त भएका छन् । हाल देशभर सक्रिय संक्रमितको संख्या २९ हजार ४७९ जना रहेको छ । जसमध्ये २७ हजार ६९० जना होम आईसोलेशनमा रहेका छन् भने १ हजार ७८९ जना संस्थागत आईसोलेशनमा रहेका छन् ।  मन्त्रालयका अनुसार संक्रमितमध्ये ४८८ जना आईसीयू र १४० जना भेन्टिलेटरमा उपचाररत् छन् ।मन्त्रालयले हाल १० वर्ष मुनिका २७ जना बालबालिकामा कोरोना संक्रमण देखिएको छ भने ११ देखि २० वर्षम उमेर समूहका १२८ जनामा कोरोना संक्रमण पुष्टि भएको  जानकारी दिएको छ ।