स्याङ्जामा बुधवार १६ महिने बालकको चक्कु प्रहार गरेर हत्या गरिएको छ । बालकको हत्या आरोपमा एउटै घरको कोठामा बस्ने ३३ वर्षीय जितेन्द्र गुरुङलाई प्रहरीले पक्राउ गरेको छ ।
जिल्ला प्रहरी कार्यालय स्याङ्जाका प्रवक्ता डीएसपी राजेन्द्रप्रसाद अधिकारीका अनुसार चक्कु प्रहारबाट बालककी ५ वर्षीया दिदी पनि घाइते भएकी छन् ।
उनीहरू वालिङ नगरपालिका–१२ सिर्सीबोटका रणमाया गुरुङका छोराछोरी हुन् ।
ज्याला मजदुरीको काम गर्दै आएका जितेन्द्र कोठामा एक्लै बस्दै आएको प्रारम्भिक अनुसन्धानमा खुलेको प्रहरीले जनाएको छ ।
...
