धादिङको थाक्रे गाउँपालिका वडा नं ७ मा रहेको एभरेष्ट इट्टा उद्योगमा काम गर्दै आइरहेका रोल्पाका २४ वर्षीय गणेश घर्तीको मेसिनमा च्यापिएर गत फागुनमा मृत्यु भयो। इट्टा उद्योगमा काम गर्दै आइरहेका घर्तीको उद्योगले गरिदिएको दुर्घटना बीमाले केही राहत मिल्यो। बीमा बापतको सात लाख रकम र आतेजाते रकम उनको परिवारले पाए। आर्थिक अवस्था कमजोर र ज्यालामजदुरी गरेर जीविका धान्दै आइरहेका घर्ती परिवारमा सन्तान गुमाउनुको पीडासँगै दुर्घटना बीमा बापतको रकम पाउँदा घर्ती परिवार खुसी भए।
