पुस २२, काठमाडौं । साताको अन्तिम कारोबार दिन बिहीवार बजार खुलेको सवा एक घण्टाको अवधिमा मध्य भोटेकोशी जलविद्युत् कम्पनीको सर्वाधिक ४ लाख ५७ हजारभन्दा बढी शेयर खरीद माग रहेको छ ।
कारोबारमा आएका २१९ ओटा धितोपत्रमध्ये उक्त कम्पनीको शेयरमा सर्वाधिक शेयर खरीद माग रहेको हो । सो अवधिमा कम्पनीको ४ लाख ५७ हजार १०६ कित्ता शेयर खरीद माग रहेको छ ।
खरीद माग बढी भएसँगै कम्पनीको शेयरमूल्य अघिल्लो कारोबार दिनको तुलनामा यो दिन ९ दशमलव ९९ प्रतिशत वृद्धि भएको छ । कम्पनीको शेयरमूल्य प्रतिकित्ता रू. २३५ दशमलव ६० मा कारोबार भइरहेको छ ।
कम्पनीको शेयरमूल्यमा दोस्रोबजारमा सूचीकृत भएदेखि नै सकारात्मक सर्किट लाग्दै आएको छ ।
