वैशाख २५, काठमाडौं । स्थानीय तहको निर्वाचनमा भोट माग्दै घरदैलो गर्ने नेता कार्यकर्तालाई स्थानीयले सगुन खुवाएर बेहोस बनाएका छन् ।
प्रहरी प्रधान कार्यालयले जारी गरेको सार्वजनिक सूचनामा निर्वाचनको मुखमा यस्ता घटनाहरू घटेको बताएको छ ।
चुनावको प्रचार प्रसारको लागि घरदैलोमा निस्किदा सगुन वा प्रसाद भनेर खाने कुरा दिएको र उक्त खानेकुरा खाएपछि कोही व्यक्ति बेहोस भएको र कोही व्यक्ति चक्कर लागेर लडेको प्रहरीले जनाएको छ ।
निर्वाचन जस्तो संवेदनशिल विषयमा यस प्रकारका घटनाहरूबाट सुरक्षित रहन र त्यस्तो सूचना भए तुरुन्तै प्रहरीलाई खबर गर्न प्रहरी प्रधान कार्यालयले आग्रह गरेको छ ।