नेपाल समाचारपत्र

आषाढ २०७९

म्याग्दीको गलेश्वर शिवालयमा बिहानैदेखि भक्तजनको चहलपहल

म्याग्दी । म्याग्दीको प्रमुख तथा प्रसिद्ध धार्मिक तीर्थस्थल गलेश्वर शिवालयमा आज बिहानैदेखि श्रद्धालु, भक्तजनहरुको भीड लागेको छ । बेनी नगरपालिका–९, गलेश्वरस्थित रहेको गलेश्वर शिवालयमा यसवर्ष साउन महिनाको पहिलो सोमबार म्याग्दीसहित देशका विभिन्न जिल्लाका भक्तजनहरुले पूजा गरेका हुन् । आज साउन महिनाको पहिलो सोमबार म्याग्दी, पर्वत, बागलुङ, कास्की, चितवनलगायत जिल्लाहरुबाट गलेश्वर शिवालयको दर्शन तथा पूजाआजा गर्न […]

पूर्ण विवरण

सम्बन्धित सामग्री

मौसममा सुधार आएसँगै पुनहिलमा बढ्न थाल्यो पर्यटकको भीड

गलेश्वर : म्याग्दीको पर्यटकीयस्थल घोरेपानी र पुनहिलमा पर्यटकको चहलपहल बढ्न थालेको छ। गत सातादेखि मौसममा आएको सुधारसँगै पुनहिलको भ्रमणमा जाने स्वदेशी एवं विदेशी पर्यटकको संख्या वृद्धि हुन थालेको हो। म्याग्दीको अन्नपूर्ण गाउँपालिका-६ मा अवस्थित पर्यटकीयस्थल घोरेपानी र पुनहिलमा पर्यटकको चहलपहल सुरु हुन थालेपछि होटल व्यवसायी उत्साहित बनेका छन्। दशैँ र…

पहिलो पोस्ट आश्विन २०७९

लयमा फर्कियो बेनी बजार

गलेश्वर– ‘बेनीको बजार, जता माया उतै छ नजर, किरेमिरे जाले रुमाल’ चर्चित यो गीतका हरफमा भनिएझैँ जता नजर लगाए पनि सुन्दर देखिने म्याग्दीको बेनी बजार पर्यटकको आगमनसँगै पुनः पुरानै लयमा फर्किएको छ । कोभिड-१९ को महामारीअघि यहाँ दैनिक सयौँ आन्तरिक तथा बाह्य पर्यटकको चहलपहल हुने गरेकामा विसं २०७६ चैतदेखि २०७८ भदौसम्म यहाँको चहलपहल शून्य भएको […]

Khabarhub आश्विन २०७९

गलेश्वरधाममा बिहानैदेखि घुइँचो

म्याग्दी : पश्चिम नेपालको पशुपतिनाथका नामले चर्चित म्याग्दीको प्रशिद्ध तीर्थस्थल गलेश्वरधाममा आज शिवरात्रिका दिन बिहानैदेखि भक्तजनको भीड लागेको छ। म्याग्दीको बेनी नगरपालिका–९ मा पर्ने धार्मिकस्थल गलेश्वरमा भक्तजनको चहलपहल पुरानै लयमा फर्किएको छ।मंगलबार (आज) बिहानैदेखि गलेश्वर शिवालय परिसरमा नै कालीगण्डकीबाट पम्पिङ गरेर ल्याइएको जल (पानी)का गौमुखे धाराहरूमा स्नान गरेर भक्तजनले गलेश्वर शिवालयमा पूजाआजा गर्नुका साथै मन्दिरको दक्षिणपश्चिमतर्फ रहेका १ सय ८ शिवलिंगमा जल र बेलपत्र

थाहा खबर माघ २०७८

गलेश्वरमा शतबीज छर्ने र दीपदान गर्नेको चहलपहल

म्याग्दी : पश्चिम नेपालको पशुपतिनाथको रूपमा चिनिएको म्याग्दीको प्रशिद्ध गलेश्वर शिवालय परिसरमा शुक्रबार बालाचतुर्दशीका दिन बिहानैदेखि शतबीज छर्ने र दीपदान गर्नेहरुको भिड लागेको छ।सदरमुकाम बेनीबजारदेखि ३ किलोमिटर उत्तरमा पर्ने मुक्तिनाथ प्रवेशद्धारको रुपमा रहेको गलेश्वर धाममा रातिदेखि नै टाढाटाढाका भक्तजनहरु आएका थिए। बालाचतुर्दशी पर्वलाई शतबीज रोपण पर्वका रुपमा लिँदै विशेष गरी पितृ उद्धारका लागि उनीहरूको सम्झनामा शतबीज छर्ने चलन रहेको छ।कालीगण्डकी नदीमा स्नान गरी धान, जौ, तिल, गहुँ, चना, मकै, का

थाहा खबर कार्तिक २०७८

५ महीनापछि खुले म्याग्दीका शैक्षिक, धार्मिक र पर्यटकीय क्षेत्र

असोज ३, म्याग्दी । कोरोना संक्रमणका कारण विगत पाँच महीनादेखि बन्द रहेका म्याग्दीका शैक्षिक, धार्मिक र पर्यटकीय क्षेत्रहरु खुलेका छन् । यी क्षेत्रहरु खुलेसँगै बजारको रौनक बढेको छ थलिएका व्यापार व्यावसाय, शिक्षण र पर्यटकीय क्षेत्रहरु पुरानै लयमा फर्किन थालेका छन् । शुक्रवारदेखि जिल्लाका शिक्षण संस्था, धार्मिक, पर्यटकीय क्षेत्र र प्राकृतिक चिकित्सालय अर्थात् तातोपानी कुण्डहरु खुला गरिएको छ । कोभिड-१९ को संक्रमणका कारण बन्द गरिएको प्राकृतिक चिकित्सालय तातोपानी कुण्ड पनि शुक्रवारदेखि नै खुला गरिएको हो । शिक्षण संस्था, धार्मिक र पर्यटकीय क्षेत्रहरु खुला गरिए पछि जिल्लामा चहलपहल बढेको छ । जिल्ला कोभिड–१९ संकट व्यवस्थापन केन्द्र (डीसीसीएमसी) म्याग्दीको निर्णयअनुसार शैक्षिक संस्था, तातोपानीका कुण्ड र धार्मिक क्षेत्र खुला गरिएको हो । म्याग्दीमा कोरोना संक्रमण दर घटेकाले जनस्वास्थ्यका मापदण्ड पूर्ण पालना गर्ने गरी विद्यालय,तातोपानी कुण्ड र धार्मिक क्षेत्र खुला गर्न अनुमति दिइएको जिल्ला प्रशासन कार्यालयले जानकारी दिएको छ । सरकारले ल्याएको कोभिड–१९ सम्बन्धी सुक्ष्म योजना र ‘स्मार्ट लकडाउन’ को अवधारणाअनुसार यी क्षेत्रहरु खुलाउने निर्णय गरिएको म्याग्दीका प्रमुख जिल्ला अधिकारी गणेशबहादुर अधिकारीले जानकारी दिए । डीसीसीएमसी बैठकको निर्णयअनुसार म्याग्दीका सबै पालिकामा रहेका विद्यालय फेरि सञ्चालनमा आएका छन् । गएको वैशाख तेस्रो हप्तादेखि म्याग्दीका विद्यालय बन्द भएका थिए भने वैशाख २३ गतेदेखि लकडाउन गरिएको थियो । लामो समयसम्म विद्यालय बन्द हुँदा बालबालिकाको पढाइ बिग्रिने र अनलाइन कक्षा सञ्चालन गरिए पनि प्रभावकारी नभएपछि स्वास्थ्य सुरक्षाका मापदण्डको पालनासहित विद्यालय सञ्चालन गरिएको छ । तातोपानी कुण्ड पनि खुल्यो प्राकृतिक चिकित्सालयको रुपमा चर्चित म्याग्दीको बेनी नगरपालिका वडा नं ४ सिंगा तातोपानीमा अवस्थित तातोपानी कुण्ड पनि शुक्रवारदेखि पुनः खुला गरिएको छ । कोरोना भाइरसका कारण गएको वैशाख दोस्रो हप्तादेखि बन्द गरिएको तातोपानी कुण्ड डीसीसीएमसी बैठकको निर्णयअनुसार सञ्चालन गरिएको तातोपानी कुण्ड व्यवस्थापन समितिले जानकारी दिएको छ । तातोपानी कुण्डको कुल क्षमताको आधारमा तत्कालका लागि ५० प्रतिशतलाई मात्र स्नान गर्ने गरी सञ्चालन गर्न अनुमति दिइएको प्रजिअ अधिकारीले बताए । अहिले म्याग्दीका नागरिकलाई मात्रै तातोपानीका कुण्डमा प्रवेशको अनुमति दिइएको छ । कोरोनाविरुद्धको खोप लगाएको १० दिन नाघेका, ७२ घण्टाभित्रको पीसीआर तथा एन्टिजेन परीक्षणको नेगेटिभ रिपोर्ट भएका जिल्लावासीले तातोपानीका कुण्डमा पुगेर स्नान गर्न पाउने छन् । मठमन्दिर र देवालयहरुमा जान थाले भक्तजन कोरोना संक्रमणको दर घट्दै जान थालेपछि म्याग्दीका मठ मन्दिर, देवालय, चर्च र मस्जिदहरुमा भक्तजनहरु जान थालेका छन् । शुक्रवारदेखि धार्मिक क्षेत्र पनि खुला गरिएपछि दोस्रो पशुपतिनाथका नामले चिनिएको म्याग्दीको गलेश्वर धाम, पुलस्त्य पुलहाश्रम, जगन्नाथधाम, मालिका धुरीलगायत म्याग्दीका विभिन्न ठाउँमा रहेका धार्मिक क्षेत्रहरुमा भक्तजनहरु पुगेर दर्शन तथा पूजाआजा गरेका छन् । कोरोना संक्रमणको जोखिमका कारण लामो समयदेखि बन्द रहेका धार्मिक क्षेत्र पनि स्वास्थ्य मापदण्डसहित धेरै भिडभाड नहुने गरी खुला गरिएको छ । शिक्षण संस्था, धार्मिक र पर्यटकीय क्षेत्र खुला भएसँगै बजारमा पनि चहलपहल बढेको छ । पर्यटकीय स्थलहरुमा पनि बढ्यो चलहपहल : लयमा फर्किदै व्यवसायी जिल्लाका पर्यटकीयस्थलहरु खुल्न थालेपछि व्यवसायीहरु पनि उत्साहित भएका छन् । कोरोना भाइरसको दोस्रो लहर फैलिएपछि गत वैशाख दोस्रो सातादेखि बन्द भएका पर्यटकीय क्षेत्रहरु शुक्रवारदेखि खुला गरिएको हो । कोरोना संक्रमण कम हुँदै गएको, कोरोना भाइरसविरुद्धको खोप लगाउनेक्रम चलिरहेकाले आर्थिक गतिविधि र जनजीवनलाई सहज बनाउन पर्यटकीयस्थल खुलाइएको हो । प्रशिद्ध पर्यटकीय स्थलघोडेपानी, मोहरेडाडा, खोपारा, टोड्के, रुइसे, मालिकाधुरी, झाँक्रीपानी, धौलागिरि र अन्नपूर्ण आधार शिविर, नारच्याङ झरना, लभ्लीहिल लगायतका पर्यटकीयस्थलमा आन्तरिक पर्यटकको आगमन शुरु भएको छ ।

Aarthik Abhiyan भाद्र २०७८