हिमालयन बैंक र नेपाल इन्भेस्टमेन्ट बैंकबीचको मर्जर प्रक्रिया नटुंगिएपछि थप समय माग्दै मर्जर समिति राष्ट्र बैंक पुगेको छ । सुरुमा दिएको समय अपुग भएको भन्दै राष्ट्र बैंकले यसअघि तीन महिना समय थपिदिएको थियो । पहिलोपटक थपिएको समय आइतबार सकिएको थियो । थपिएको अवधिमा पनि प्रक्रिया पूरा नभएपछि आइतबार नै मर्जर समितिले राष्ट्र बैंकलाई पत्र लेखेर समय पुनः बढाउन आग्रह गरेको हो ।