सङ्खुवासभा – केही दिन अगाडि निमोनियाबाट सिकिस्त हुनुभएकी सङ्खुवासभाको चिचिला गाउँपालिका २ दिदिङकी सरस्वती राईलाई जिल्ला अस्पताल सङ्खुवासभामा नयाँ जीवन पाएझैँ भयाे । १५ वर्षीया सरस्वती निमाेनियाका कारण जीवन र मरणको दोसाँधमा हुनुहुन्थ्यो । जिल्ला अस्पताल सङ्खुवासभामा आठ दिन आईसीयू (सघन उपचार कक्ष) र भेन्टिलेटरमा राखेर उपचार गरेपछि उहाँले नयाँ जीवन पाउनुभएको हो । उहाँकाे उपचार बाल रोग विशेषज्ञ डा. दीपेन्द्र राईको नेतृत्वकाे टाेलीले गरेकाे हाे ।
त्यसैगरी हात भाँचिएर हाडजोर्नीको समस्याबाट पीडित सभापो...
