काठमाडौं। प्लेअफ खेल्ने टिमको टुंगो लागिसकेको अवस्थामा चितवन एफसीले आज नेपाल सुपर लिगमा सान्त्वना जितका लागि काठमाडौं रेजर्ससँग प्रतिस्पर्धा गर्नेछ। दशरथ रंगशालामा ५ः३० बजे हुने खेलमा चितवन पहिलो जितको खोजीमा छ भने काठमाडौं शीर्ष स्थानको लक्ष्यमा हुनेछ। धनगढीसँग समान १० अंक भए पनि काठमाडौं गोलअन्तरले दोस्रो स्थानमा छ। एक खेल पनि जित्न नसकेको चितवन लिगको पुछारमा छ।