काठमाडौं । डाबर नेपालले कार्बोनेटेड सफ्ट ड्रिंक सेगमेन्टमा नयाँ कार्बोनेटेड पेय पदार्थ ‘रियल फिज्जिन’ बजारमा ल्याएको छ । एप्पल, मसला कोला र निम्बु गरी तीनओटा स्वादमा रहेको यो उत्पादन पेट बोतलमा उपलब्ध रहेको कम्पनीले जानकारी दिएको छ । ११ दशमलव २ प्रतिशत फलफूलको जुस भएको रियल एप्पल फिज्जिनको मूल्य १५० एमएल, २५० एमएल र ५०० एमएल बोतलको क्रमश: रू. ३०, ५० र ८० रहेको बताइएको छ । यसैगरी जिराको मसलेदार स्वाद भएको रियल मसाला कोला फिज्जिनमा १० दशमलव ५ प्रतिशत फलफूलको रस रहेको कम्पनीको भनाइ छ । रियल निम्बु फिज्जिनमा ५ प्रतिशत रिफ्रेसिङ लेमन जुस छ । रियल मसाला कोला र निम्बुको १५० एमएल ‘अन द गो’ प्याकको मूल्य रू. ३० मा पाइने बताइएको छ ।