नेदरल्यान्डस्का अपराध पत्रकार पिटर आर डि भिरिजको मृत्यु भएको छ । नौ दिनअघि अम्स्टरड्याममा उनलाई गोली हानिएको थियो । ‘पिटरले अन्त्यसम्म लडे । तर आफ्नो युद्ध जित्न असमर्थ रहे,’ उनका आफन्तले जारी गरेको विज्ञप्तिमा भनिएको छ । ६४ वर्षीय यी पत्रकारलाई टिभी स्टुडियोबाट निस्कनासाथ टाउकोमा गोली हानिएको थियो । यस घटनाले नेदरल्यान्डस् स्तब्ध भएको छ । ड्रग्स माफिया र ग्याङस्टरहरुबारे गरेको खोजी रिपाेर्टिङका कारण भिरिज निकै प्रसिद्ध थिए । यस घटनामा दुईजनालाई पक्राउ गरिएको छ
