विभागीय टोली नेपाल पुलिस क्लब नवौं राष्ट्रिय खेलकुद प्रतियोगिता अन्तर्गतको महिला क्रिकेट प्रतियोगिताको फाइनलमा प्रवेश गरेको छ । सोमबार भएको दोस्रो सेमिफाइनलमा बागमती प्रदेशलाई पुलिसले ३६ रनले हराउँदै फाइनल पुगेको हो । पुलिसले दिएको १२४ रनको लक्ष्य पछ्याएको बागमतीले २० ओभरमा ७ विकेट गुमाएर मात्र ८७ रन बनायो । बागमतीका लागि सुमन खतिवडाले सर्वाधिक २३ को योगदान गरिन् । त्यस्तै कप्तान अस्मिना कर्माचार्यले १८ रन बनाउँदा आरती बिडारीले अविजित ११ रन जोडिन् । पुलिसका लागि कविता कुँवरले सर्