कृषिलाई सम्मान गरी कृषि उत्पादन बढाउन स्याङ्जाको आँधीखोला गाउँपालिकाले व्यावसायिक कृषक प्रोत्साहन कार्यक्रम अघि बढाएको छ । कृषक र कृषक समूहलाई गाउँपालिका अध्यक्ष सुधिरकुमार पौडेलले सम्मान गर्दै कृषिमा आकर्षण बढाउन र वास्तविक कृषकलाई सम्मान गर्न व्यावसायिक कृषक प्रोत्साहन कार्यक्रमको व्यवस्था गरिएको जानकारी दिए ।
गाउँपालिका उपाध्यक्ष शर्मिला पौडेलको संयोजकत्वमा गठित अनुगमन तथा मूल्यांन समितिले गाउँपालिकाभित्रका सबै किसानका घरघरमा पुगेर उत्कृष्ट किसान छनोट गरी सम्मान गरिएको कृषि शाखाले जनाएको छ ।
