कुनै बेला ज्यालादारीबाट जीवन निर्वाह गर्ने महिला अहिले कृषि उद्यमी बनेका छन् । सोलुदूधकुण्ड नगरपालिकाका विपन्न महिलालाई कोरोना कालमा लकडाउनले व्यावसायिक कृषक बनाएको हो । लगातारको लकडाउनले बेरोजगार बनेका उनिहरूलाई विषम परिस्थितिमा सुरु गरेको तरकारी खेतीले आत्मनिर्भर मात्र बनाएन, व्यावसायिकसमेत बनाएको छ । विषादी प्रयोग नगरि उत्पादन गरेको तरकारीको माग यतिबेला राम्रो छ ।
