काठमाडौं महानगरपालिका–१६ बालाजुमा बसले ठक्कर दिँदा गम्भिर घाइते भएका मोटरसाइकल चालकको मृत्यु भएको छ । शनिवार बा.५ ख २८७२ नम्बरको बसले बा.७० प ६१२८ नम्बरको मोटरसाइकललाई ठक्कर दिँदा चालक रोमन थापामगर गम्भिर घाइते भएका थिए ।नागार्जुन नगरपालिका–१ रानीवन बस्ने २८ वर्षीय रोमन थापा मगरको उपचारको क्रममा मृत्यु भएको उपत्यका ट्राफिक प्रहरी कार्यालयले जनाएको छ । दुर्घटनामा गम्भीर घाइते भएका उनलाई उपचारको लागी त्रिवि शिक्षण अस्पतालमा लगिएको थियो । बसका चालकलाई प्रहरीले नियन्त्रणमा लिएको छ ।
