वैशाख २१, काठमाडौं । साताको दोस्रो कारोबार दिन बुधवार बजार खुलेको तीन घण्टाको अवधिमा कारोबारमा आएका २२२ ओटा धितोपत्रमध्ये पाँँच ओटा धितोपत्रमा उच्च खरीद माग रहेको छ ।
ग्लोबल आइएमई समुन्नत स्किम १, सानिमा इक्वीटी फण्ड, एनएमबि हाईब्रिड फण्ड एल १,प्रभु सेलेक्ट फण्ड र एनआइबिएल प्रगति फण्डको धितोपत्रमा उच्च खरीद माग रहेको हो । ती पाँच ओटा धितोपत्रमध्ये सबैभन्दा बढी ग्लोबल आइएमई समुन्नत स्किम १ को ३ लाख ५५ हजार ९८७ इकाई खरीद माग रहेको छ ।
त्यसैगरी सानिमा इक्वीटी फण्डको २ लाख ६१ हजार २७९ इकाई,एनएमबि हाइब्रिड फण्डको २ लाख ६ हजार ३५२ इकाई,प्रभु सेलेक्ट फण्डको १ लाख ६४ हजार ७१५ इकाई र एनआइबिएल प्रगति फण्डको १ लाख ५२ हजार ७०० इकाई खरीद माग रहेको छ ।
यो समाचार तयार पार्दासम्म नेप्से परिसूचक २३ दशमलव १७ अंक घटेर २ हजार २८४ दशमलव २८ विन्दुमा झरेको छ । उक्त अवधिसम्ममा कुल रू. ७० करोड १६ लाख बराबरको शेयर खरीदविक्री भएको छ ।
