काठमाडौं । नेपाली काँग्रेसका वरिष्ठ नेता रामचन्द्र पौडेल माओवादी केन्द्रका अध्यक्ष पुष्पकमल दाहाल निवास पुग्नुभएको छ । दाहाल पत्नी सीता दाहालको स्वास्थ्य अवस्था बुझ्न पौडेल आज बिहान दाहाल निवास खुमलटार पुग्नुभएको हो । सीता लामो समयदेखि बिरामी हुनुहुन्छ । यसअघि प्रधानमन्त्री तथा कांग्रेस सभापति शेरबहादुर देउवाले निवासमै पुगेर सीताको स्वास्थ्य अवस्थाबारे जानकारी लिनुभएके थियो ।
