काठमाडौं (अस) । नेपालका लागि होन्डा ब्रान्डका जेनेरेटर तथा अन्य होन्डा पावर प्रोडक्टको आधिकारिक वितरक स्याकार ट्रेडिङ कम्पनीले गैरसरकारी संस्था हिमालय उद्दार संघ नेपाललाई होन्डा जेनेरेटर सहयोगस्वरूप उपलब्ध गराएको छ ।
हिमालय उद्दार संघले हिमाली क्षेत्रका अति विकट एवं स्वास्थ्य सेवाको पहुँच नभएका स्थानमा स्वास्थ्य शिविरमार्फत स्थानीयलाई सहयोग गर्दै आएको छ । अक्सिजन, भिडियो एक्सरे तथा अन्य डायग्नोस्टिक उपकरण सञ्चालन गरी स्वास्थ्य शिविर सञ्चालन तथा उद्दारमा सहज होस् भन्ने उद्देश्यले स्याकार ट्रेडिङले उक्त संस्थालाई जेनेरेटर सहयोग गरेको हो । ज्योति समूहका अध्यक्ष पद्म ज्योति, ज्योति फाउन्डेसनका सञ्चालक मीरा ज्योति, स्याकार ट्रेडिङका अध्यक्ष सौरभ ज्योति र उपाध्यक्ष सुहृद ज्योतिले उक्त संस्थालाई सहयोगस्वरूप होन्डा जेनेरेटर हस्तान्तरण गरे ।
