गैरआवासीय नेपाली संघ (एनआरएनए) ले पुनर्निर्माण कार्यमा स्थानीयको थप सहयोग र निर्माणाधीन आवासमा अपनत्व जगाउन गोरखाको लाप्राकमा निर्माणाधीन बस्तीका घरहरू भूकम्पपीडित लाभग्राहीलाई चिट्ठामार्फत छुट्याई दिएको छ । एनआरएनएसँग एक वर्षअघि घर निर्माणसम्बन्धी सम्झौता गरेका लाभग्राही परिवारलाई चिट्ठामार्फत आ–आफनो घर छुट्याइ निर्माणमा सहयोग गर्न आग्रह गरिएको हो । सम्झौतामा लाभग्राहीले घरको जगमा लाग्ने ढुंगा, गिटी र काठ आफैं उपलब्ध गराउनुपर्ने उल्लेख छ ।