स्थानीय अन्नबालीबाट खाजा नास्ताका परिकार बन्न थालेपछि बेरोजगार युवायुवती स्वरोजगार बन्न थाल्नु भएको छ । काम गर्ने ईच्छामा सीप प्राप्त हुँदा व्यवसाय सञ्चालनमा आएपछि बेरोजगार बस्नु नपरेको हो ।
लामो समय बेरोगार बस्दै आउनु भएकी पेमाडोल्मा लामाले हुम्लाका उत्पादन फापर, कोदो, जौ, उवा, चिनो लगाएतका अन्नबाट खाजाको परिकार बनाउने व्यवसाय सञ्चालन गरेर स्वरोजगार सृजना भएको बताउनुभयो । सो व्यवसायमा चार जना मिलेर सीप सिकेका कुरावाट सो व्यवसाय सुरु गर्नु भएको हो । उहाँलाई केही गर्ने चाहाना भएपनि सीपको अज्ञानताले बेरोजगार बसी रहेका बेला सिनामल, मुफिन, बम, पिजा, केक, पाउरोटी लगाएतका दस वटा नास्ताका परिकार बनाउने तालिम प्राप्त भएपछि काम खोज्न जानु परेको छैन ।