काठमाडौं (अस) । सिटिजन्स बैंक इन्टरनेशनलले मोबाइल बैंकिङ एपबाटै रेमिट्यान्स सेवा लिन सकिने व्यवस्था गरेको छ । ग्राहकको हितलाई ध्यानमा राखेर उक्त व्यवस्था गरिएको बैंकले बताएको छ । अब बैंकका ग्राहकले नेपालभरि आन्तरिक विप्रेषण पठाउन, प्राप्त गर्न र विदेशबाट पठाइएको पैसा सिटिजन्स मोबाइल बैंकिङ एप प्रयोग गरी लिन सक्ने जानकारी बैंकले दिएको छ ।
उक्त सेवाबाट ग्राहकले बैंक खातामा सोझै रकम जम्मा गर्न वा बैंकको १७४ ओटा शाखामार्फत नै रकम प्राप्त गर्न सक्नेछन् । त्यस्तै बैंकका १२ हजारभन्दा बढी एजेन्ट तथा सबएजेन्टबाट नगदै प्राप्त गर्न मिल्ने व्यवस्था गरिएको बैंकले बताएको छ ।
