तानसेनको बतासेडाँडामा ‘श्रीनगर सांस्कृतिक डबली’ तयार भएको छ । जिल्लामा आएका आन्तरिक तथा बाह्य पर्यटकलाई पहिचानसहितको सांस्कृतिक प्रदर्शन गरेर आकर्षित गर्न सांस्कृतिक डबलीको निर्माण गरिएको हो । वि.सं. २०७७ असारदेखि सुरु भएको सांस्कृतिक डबली निर्माण सम्झौताको म्यादभन्दा एक वर्ष ढिला गरी सकिएको पर्यटन डिभिजन रुपन्देहीका प्रमुख मुक्तिराम पाण्डेयले बताउनुभयो । “डबली निर्माणको काम सकिएको छ, अब सांस्कृतिक डबली सञ्चालनका लागि कार्यविधि बनाएर अघि बढ्छौँ,” उहाँले भन्नुभयो ।
