दार्चुला । दार्चुलाको उत्तरी नाका तिंकरमा नेपाल प्रहरी खटिएको छ । ब्याँस गाउँपालिका–१ को उत्तरी नाका तिंकरमा सईको कमान्डमा १३ जनाको टोली खटिएको हो । शनिवार हेलिकप्टर मार्फत खाद्यान्न सहित प्रहरी तिंकरको छायालेक पुगेको छ । तिंकरको छायालेकबाट हिउँदमा छाङ्गरु झरेको प्रहरीलाई तिंकर पुग्न सकिने अवस्था नहुँदा हेलिकप्टर मार्फत खाद्यान्न र बन्दोबस्तका समानसहित पठाइएको जिल्ला प्रहरी कार्यालय दार्चुलाले जनाएको छ ।
