मध्यपुरथिमिको नीति तथा कार्यक्रम कोरोनाको तेस्रो लहर केन्द्रित

रासस। मध्यपुरथिमि नगरपालिकाको पाँचौ नगरसभाले आर्थिक वर्ष २०७८/०७९को नीति तथा कार्यक्रमलाई सर्वसम्मतिले पारित गरेको छ। उपप्रमुख अञ्जनादेवी मधिकर्मीले सभामा कार्यक्रमलाई प्रस्तुत गरेकी थिइन्। कार्यक्रममा कोभिड–१९को तेस्रो लहरको जोखिमलाई ध्यान दिँदै अस्पतालमा बालबालिकाका लागि बिशेष वार्डको व्यवस्थामा जोड दिइएको छ। कार्यक्रममा पिसिआर परीक्षण निःशुल्क, अक्सिजन सहितको प्राथमिक उपचारको व्यवस्था र गरिब असाहयको कोभिडको निःशुल्क उपचार लगायत समावेश छन्।