वैदेशिक रोजगारीमा जाने कामदार ठगिने क्रम बढ्दो छ । चालू आर्थिक वर्षको असोज तेस्रो सातासम्ममा विभिन्न पक्षबाट १ सय ३४ जना नेपाली कामदार ठगिएका छन् । यीमध्ये ८४ जना व्यक्तिगत र ५० जना म्यानपावर कम्पनीबाट ठगिएको वैदेशिक रोजगार विभागको तथ्यांकमा उल्लेख छ । आव ०६६/६७ को तुलनामा चालू आवमा बढी कामदार ठगिएको वैदेशिक रोजगार विभाग उजुरी शाखाका प्रमुख पुष्कर नेपालले बताए । ‘म्यानपावर कम्पनीले आफ्नो तर्फबाट थोरै कामदार ठगिएको बताए पनि विभागमा उजुरी गर्न आउनेको संख्या बढेको छ,’ उनले भने । कामदारहरूले वैदेशिक रोजगार विभागमा रू. ६ करोड ८० लाखबराबर रकमको बिगो दाबी गरेका छन् ।
वर्ष ६, अंक ३४, सोमवार, २५ असोज २०६७