सिक्टा सिँचाइ आयोजनाले पहिलो पटक हिउँदे सिजनको खेतीका लागि नहर सुचारु गरेर पानी उपलब्ध गराएपछि गहुँ तथा तोरी खेती गर्ने बाँकेका किसानहरु उत्साहित भएका छन् ।
आयोजनाले किसानको मागअनुसार पश्चिमी मुल नहरमा पाँच क्युसेक पानी चलाएपछि बाँकेको डुडुवा, कोहलपुर, नेपालगञ्ज, खजुरा र बैजनाथ क्षेत्रका किसानहरुले करिब २० हजार हेक्टरमा गहुँ तथा तोरी खेतीका गरेको कृषि ज्ञान केन्द्र नेपालगञ्जले जनाएको छ ।
विगतका वर्षहरुमा सिंचाईको अभावले गर्दा ती क्षेत्रमा निकै कम खेती हुने गरेकोमा यस वर्ष हिउँदमा सिक्टाले नहरमा पानी छोडेपछि २० हजार हेक्टरमा गहुँ र तोरीको खेती गरिएको कृषि ज्ञान केन्द्र नेपालगञ्जका प्रमुख सागर ढकालले बताउनुभयो ।
उहाँले सिक्टाकै कारण यस वर्ष बाँकेमा धान उत्पादन करिब २५ प्रतिशतले बृद्धि भएको जनाउँदै हिउँदे खेती गर्ने किसानको संख्या पनि पनि २५ प्रतिशत बढेको बताउनुभयो ।
विगतका वर्षहरुमा धान उठाएपछि बाँझै रहने खेतमा यस वर्ष सिँचाइ सुविधा उपलब्ध भएपछि गहु र तोरी खेती गरेको राँझाका किसान नरेन्द्र बर्माले बताउनुभयो । सिँचाइ सुविधा उपलब्ध भएपछि यस वर्ष बाँकेमा गहुँ र तोरी खेती गर्ने किसानहरुको संख्या पनि करिब २५ प्रतिशत बढेको छ ।
यसैगरि बैजनाथ गाउँपालिका ४ का किसान जिवन थारुले सिँचाइ सुविधा भएपछि धान उत्पादन राम्रो भएको जनाउँदै अब गहु र तोरी खेती पनि गरिएकोले सो पनि राम्रो फल्ने आशा गरिएको बताउनुभयो ।
सिक्टाको मुल नहरको निर्माण कार्य सम्पन्न
