जेठ ८, चितवन । चितवनमा विद्युत् सर्ट भई आगलागी हुँदा एक जनाको मृत्यु भएको छ भने अर्का घाइते भएका छन् ।
मृत्यु हुनेमा भरतपुर महानगरपालिका वडा नम्बर १० का सकुन्तला पौडेल सुबेदी रहेकी छिन् भने भरतपुर महानगरपालिका वडा नम्बर-७ का तरुण थापा घाइते भएका छन् ।
जिल्ला प्रहरी कार्यालय, चितवनका अनुसार आइतवार दिउँसो सवा १ बजे भरतपुर महानगरपालिका १० बालमन्दिर रोड स्थित घरको तेस्रो तलामा सञ्चालन रहेको शिखर इन्स्योरेन्स कम्पनीको शाखा कार्यालयका कर्मचारीहरुले कम्पनीको बाहिर पट्टी झुण्ड्याएर राखिएको फ्लेक्स बोर्ड झिक्ने क्रममा अचानक करेन्ट सर्ट भई आगलागी हुंँदा सुबेदी र थापा घाइते भएका थिए ।
करेन्ट लागेर गम्भिर घाईते भएकी सुवेदीको उपचारका लागि भरतपुर अस्पताल पुर्याउदा चिकित्सकले मृत घोषित गरेका थिए । सोही इन्स्योरेन्समा कार्यरत अर्का घाइते थापालाई उपचारको लागि चितवन मेडीकल कलेज भरतपुर पठाइएको र उनको अवस्था मध्यम रहेको प्रहरीले जानकारी दिएको छ ।
उक्त आगलागी भरतपुर महानगरको दमकल, नेपाल प्रहरी, नेपाली सेना र स्थानीय नागरिकहरुको सहयोगमा १ बजेर ४० मिनेटमा पूर्ण रुपमा नियन्त्रणमा यसबारेमा थप अनुसनधान भइरहेको प्रहरीले जानकारी दिएको छ ।
