नेपाल बक्सिङ संघले १३ औं साग खेलकुदका बक्सिङ खेलमा विजेता हुनुभएका खेलाडीलाई सम्मान गरेको छ ।
नेपाल बक्सिङ संघले आयोजना गरेको ‘बक्सिङ खेलाडी सम्मान र विदाई’ कार्यक्रममा सागमा स्वर्ण विजेता मिनु गुरुङ, भुपेन्द्र थापामगर र सनिल शाहीलगायत विजेतालाई राष्ट्रिय खेलकुद परिषदका सदस्य सचिव रमेशकुमार सिलवालले मंगलबार यहाँस्थित खेलकुद परिषद परिसरमा सम्मान गर्नुभएको हो ।
