पछिल्लो ६ महिनामा नेपाली करातेले एकपछि अर्को सफलता चुमेको छ । गत असोजयता चार ठूला अन्तर्राष्ट्रिय प्रतियोगितामा जितेका पदक नेपाली करातेका लागि ऐतिहासिक सफलता हो । यस अवधिमा नेपाली करातले १९ औं एसियाली खेलकुदको रजत, १० औं सितोरियो कराते वर्ल्ड च्याम्पियनसिप (जकार्ता) मा १ स्वर्ण, ३ रजत र ५ कांस्य, यूएसए ओपन तथा जुनियर इन्टरनेसनल कराते च्याम्पियनसिपमा १/१ स्वर्ण र रजतका साथै सातौं दक्षिण एसियाली कराते च्याम्पियनसिपमा ३० स्वर्ण, २४ रजत र ७ कांस्य पदक भित्र्याइसकेको छ ।