चैत २०, काठमाडौं । सेन्ट्रल फाईनान्स लिमिटेडले झापाको बिर्तामोडस्थित भद्रपुर रोडमा बिर्तामोड शाखा सञ्चालनमा ल्याएको छ ।
उक्त शाखाको उद्घाटन बिर्तामोड उद्योग वाणिज्य संघका अध्यक्ष प्रकाश शिवाकोटीले गरेका हुन् ।उक्त शाखा कम्पनीको १६ औं शाखाको रुपमा सञ्चालनमा आएको हो ।
नेपाल राष्ट्र बैंकबाट ‘ग’ वर्गको इजाजत पत्र प्राप्त वित्तीय संस्थाको रुपमा विगत २५ वर्षदेखि बैंकिङ्ग सेवा दिंदै आएको कम्पनीको ललितपुरको कानदेवस्थानमा नवनिर्मित केन्द्रीय कार्यालय रहेको छ ।
सो अवसरमा कम्पनीका प्रमुख कार्यकारी अधिकृत रजोज मान श्रेष्ठले छिट्टै नै रुपन्देहीको भैरहवामा नयाँ शाखा सञ्चालनमा ल्याउने गरी तयारी गरिरहेको बताए ।
कम्पनीले डेबिट कार्ड, एसएमएस बैंकिङ्ग, चेक क्लियरिङ्ग, आईपीएस, कनेक्ट आईपीएस, रेमिट्यान्स तथा सी–आस्वा जस्ता बैंकिङ्ग सेवा दिंदै आएको छ । कम्पनीले विभिन्न शाखा कार्यालयहरुमा एटीएम पनि सञ्चालन गरिरहेको छ ।
उनले सेन्ट्रल स्मार्ट मोबाइल बैंकिङ्ग एप पनि सञ्चालनमा ल्याएको जानकारी दिंदै प्रविधिको उच्चतम प्रयोग गरी थप आधुनिक सेवा प्रदान गर्दै लैजाने पनि जानकारी दिएका छन् ।
कम्पनीको चुक्तापूँजी ९४ करोड ८८ लाख ७५ हजा रुपैयाँ रहेको र हाल निक्षेप ५ अर्ब ८४ करोड रुपैयाँ र कर्जा ५ अर्ब १४ करोड रुपैयाँ रहेको पनि उनले बताए ।
