उपप्रधानमन्त्रीसमेत रहेका भौतिक पूर्वाधार तथा यातायात मन्त्री नारायणकाजी श्रेष्ठले राइड सेयरिङ प्ल्याटफर्ममा रहेका निजी सवारी साधनलाई आवश्यक कानुनी प्रावधान ल्याएर व्यवस्थित गर्ने बताएका छन् । बुधबार अटो पत्रकार सङ्घ (जाम) सँग छलफल गर्दै मन्त्री श्रेष्ठले पठाओ, टुटल जस्ता राइड सेयरिङलाई पनि कानुन बनाएर आफूले व्यवस्थित गर्ने प्रतिबद्धता जाहेर गरेका हुन् ।
सोही क्रममा मन्त्री श्रेष्ठले कानुनी व्यवस्था समेत भएर कार्यान्वयनमा गइसकेको सवारी चालक अनुमति पत्र (लाइसेन्स) को ट्रायल परीक्षाको ७० अङ्कको व्यवस्था बागमती प्रदेशमा तत्काल कार्यान्वयनको व्यवस्था गरिने बताए । ‘अन्य सबै प्रदेशहरूमा लाइसेन्सको ट्रायल परीक्षामा ७० अङ्कको व्यवस्था कार्यान्वयन भइसकेको छ । तर, बागमतीमा मात्र किन हुन सकिरहेको...