जेठ २, काठमाडौं । एनएलजी इन्स्योरेन्स कम्पनीले चालू आवको तेस्रो त्रैमासिक वित्तीय विवरण सार्वजनिक गरेको छ ।
उक्त वित्तीय विवरण अनुसार कम्पनीले चालू आवको तेस्रो त्रैमाससम्ममा कुल रू. १ अर्ब ७७ करोडभन्दा बढी बीमाशुल्क आर्जन गरेको छ । यो बीमाशुल्क गत आवको तेस्रो त्रैमासको तुलनमा ४ प्रतिशतले वृद्धि भएको हो ।
गत आवको तेस्रो त्रैमाससम्ममा कम्पनीले कुल रू. १ अर्ब ६९ करोड बीमाशुल्क आर्जन गरेको थियो । त्यसैगरी कम्पनीको नाफा भने गत आवको तुलनामा चालू आवमा १९ प्रतिशतले घटेको छ । गत आवमा रू.२१ करोड २८ लाख नाफा कमाएको उक्त कम्पनीले चालू आवको उक्त अवधिमा नाफा रू.१७ करोड ७ लाखमा झरेको हो ।
चालू आवमा कम्पनीको आम्दानी घटेसँगै नाफा घटेको हो । गत आवको तुलनामा चालू आवमा कम्पनीको आम्दानी २० प्रतिशतले घटेको छ । गत आवमा कम्पनीले रू. ३७ करोड १४ लाख आम्दानी गरेकोमा चालू आवमा रू. २९ करोड ५८ लाखमा झरेको हो । कम्पनीको चुक्तापूँजी रू. १ अर्ब २० करोड रहेको छ ।
चालू आवको तेस्रो त्रैमाससम्ममा कम्पनीले जगेडामा रू. ३९ करोड ९८ लाख सञ्चित गरेको छ। सो अवधिमा कम्पनीको बीमा कोषमा रू. १ अर्ब ११ करोड जम्मा भएको छ । यो बीमा कोष गत आवको तुलनामा १० प्रतिशत वृद्धि भएको हो । गत आवमा कम्पनीको बीमा कोषमा रू.१ अर्ब २७ लाख जम्मा भएको थियो ।
चालू आवको तेस्रो त्रैमाससम्ममा कम्पनीले ८ हजार ७२ जनालाई रू. १ अर्ब ६ करोड दाबी भुक्तानी गरेको छ भने ६ हजार ९०८ जनालाई रू. १ अर्ब ७५ करोड दाबी भुक्तानी गर्न बाँकी रहेको छ ।
सो अवधिमा कम्पनीको प्रतिशेयर आम्दानी रू. १८ दशमलव ८८, मूल्य आम्दानी अनुपात ४० दशमलव ६८ गुणा, तरलता अनुपात २ दशमलव ५० प्रतिशत र प्रतिशेयर नेटवर्थ रू. २२९ दशमलव ४८ रहेको छ ।
