अब मेगा बैंकबाट आईपिओ भर्दा पनि शुल्क लाग्ने भएको छ। यस अघिसम्म बैंकले निशुल्क सीआश्वा सेवा दिदै आएकोमा अब भने बैंकले आश्वा शुल्क लिने भएको हो । बैंकले असार ३ गतेको निर्णय अनुसार अबदेखि २५ रुपैयाँ आस्वा सेवा शुल्क लाग्ने जनाएको छ । यस संगै मेगाको खाता बाट पैसा काट्ने गरि आईपिओ भर्दा २५ रुपैयाँ शुल्क लाग्ने छ । सशुल्क आस्वा सेवाबाट ग्राहकवर्गले पाउने सेवा पनि अझ उत्कृष्ट हुने बैंकले जनाएको छ ।यस संगै अब निशुल्क सीआश्वा सेवा दिने वाणिज्य बैंकको संख्या ३ वटा मात्र बाँकि रहेको छ । नबिल बैंक, एनआईसी एसिया बैंक र राष्ट्रिय वाणिज्य बैंकले हालसम्म निशुल्क सीआश्वा सेवा दिदै आएका छन् ।
