Reporters Nepal

चैत्र २०७७

पुराना पास रद्द गरी निषेधाज्ञा आजबाट कडा

काठमाडौँ, २२ वैशाख। कोरोना भाइरसको जोखिम बढेपछि सरकारले निषेधाज्ञा थप कडा पारेको छ । काठमाडौं उपत्यकामा निषेधाज्ञामा पनि सवारी साधान र आवतजावत बाक्लो देखिएपछि कडाई शुरु गरिएको हो । सरकारले सङ्क्रामक रोग नियन्त्रण ऐन २०२० को उपदफा २ बमोजिम पहाडी र हिमाली जिल्लामा २०० र काठमाडौँ उपत्यका तथा तराईमा ५०० सक्रिय सङ्क्रमित रहेका जिल्लामा जिल्लाभर […]

पूर्ण विवरण

सम्बन्धित सामग्री

नेपाली चिकित्सकको परीक्षा रद्दमा निषेधाज्ञा दिन अस्वीकार

अमेरिकास्थित डिस्ट्रिक्ट कोर्ट अफ कोलम्बिया, वासिङ्टनले युनाइटेड स्टेट्स मेडिकल लाइसेन्सिङ एक्जामिनेसन (यूएसएमएलई) ले ८ सय ३२ जना नेपाली परीक्षार्थीको नतिजा रद्द गरेको विषयमा निषेधाज्ञा दिन अस्वीकार गरेको छ ।

कान्तिपुर माघ २०८०

लकडाउन र अतिरिक्त मात्रा खोपको विषयमा के छलफल भयो ? फेरि लकडाउन लाग्ला?

झन्डै एक हजार जनालाई एकै दिन कोरोनाभाइरस सङ्क्रमण पुष्टि भएको दिन प्रधानमन्त्री शेरबहादुर देउवाले जोखिममा रहेका व्यक्तिहरूका लागि तेस्रो मात्रा खोप दिन निर्देशन दिएका छन्।कोभिड-१९ सङ्कट व्यवस्थापन समन्वय केन्द्र सीसीएमसीसीको निर्देशक समितिको बैठकमा प्रधानमन्त्रीले सो निर्देशन दिएका हुन्।बैठकमा स्वास्थ्य तथा जनसङ्ख्या मन्त्रालयका अधिकारीहरूले निश्चित समूहहरूलाई माघको पहिलो साताबाट अतिरिक्त मात्रा खोप दिने प्रक्रिया अघि बढाएको बताएका थिए।यसअघि यसै सातादेखि अतिरिक्त मात्रा दिने अभियान भनेर तय गरिएको कार्यक्रमलाई मन्त्रालयले रद्द गरेको थियो।निर्देशक समितिको बैठकपछिल्लो २४ घण्टामा करिब १५ हजार नमुना परीक्षण गर्दा ९६८ वटा नयाँ सङ्क्रमण पुष्टि भएका खबरमाझ प्रधानमन्त्री देउवा नेतृत्वको सीसीएमसीसीसी निर्देशक समितिको बैठक बसेको थियो।त्यसअघि शुक्रवार अपराह्न मन्त्रालयले थप २४ जनामा ओमिक्रोन भेरिअन्ट पुष्टि भएको बताएका थिए।सीसीएमसीसीको बैठकमा सङ्क्रमणले भावी दिनमा निम्त्याउन सक्ने जोखिम र त्यसको नियन्त्रणका लागि चाल्नुपर्ने कदमका बारेमा छलफल भएको अधिकारीहरूले बताएका छन्।सीसीएमसीसी प्रवक्ता सहसचिव सुनिता नेपाल भन्छिन्, 'छलफलमा 'हामीसँग खोप यथेष्ट मात्रामा छ, सकेसम्म हामीले खोप सबैलाई लगाइदिन सक्यौँ भने सङ्क्रमण फैलिनै हाल्यो भने पनि त्यसको असर कम हुने अन्य देशहरूमा पनि देखिएको छ' भनेर विज्ञहरूले कुरा राख्नुभएको थियो।'प्रधानमन्त्रीका तीन निर्देशनउक्त बैठकमा प्रधानमन्त्री देउवाले पनि यो महिनाभित्र लक्षित जनसङ्ख्याको दुईतिहाइलाई खोप दिने सरकारको लक्ष्य प्राप्तिका लागि अझ सक्रियताका साथ काम गर्नुपर्ने धारणा राखेका थिए।स्वास्थ्यसहित विभिन्न मन्त्रालय र सुरक्षा निकायका प्रतिनिधि सम्मिलित बैठकमा प्रधानमन्त्रीले तीन निर्देशन दिएको प्रवक्ता नेपालले बताइन्।सतर्क रहने र स्वास्थ्यको मापदण्ड अपनाउने कुरामा थप जनचेतना फैलाउनुपर्ने प्रधानमन्त्रीको पहिलो निर्देशन रहेको उनले बताइन्।प्रधानमन्त्री देउवाले खोप अभियानलाई तीव्र बनाउनुपर्ने धारणासहित अर्को निर्देशन दिएका थिए।त्यसक्रममा उनले निश्चित समूहमा पर्ने व्यक्तिहरूलाई तेस्रो मात्रा खोपको व्यवस्थापन गरी छिटोभन्दा छिटो अभियान सञ्चालन गर्नुपर्ने उल्लेख गरेका थिए।प्रवक्ता नेपालले थपिन्, 'स्वास्थ्य मन्त्रालयको तर्फबाट उहाँहरूले हामी माघको पहिलो हप्ताबाट सुरु गर्न सक्छौँ भन्नुभएको छ।'बिहीवार अपराह्नसम्मको आँकडामा नेपालमा कुल जनसङ्ख्याको लगभग ३६.२ प्रतिशतले पूर्ण मात्रा र ४९.१ प्रतिशतले एक मात्रा खोप लगाएका छन्।पुस मसान्तसम्म १८ वर्षभन्दा माथिको उमेर समूहका दुईतिहाइलाई खोप लगाइसक्ने लक्ष्य गण्डकी र बाग्मती प्रदेशले मात्रै प्राप्त गरेका छन्। प्रधानमन्त्री देउवाले सीसीएमसीसी बैठकमा खोप अभियानलाई अझ व्यापक बनाउन सबैले आआफ्ना ठाउँबाट योगदान दिनुपर्ने धारणा राखेका थिए।आफ्नो तेस्रो निर्देशनमा प्रधानमन्त्री देउवाले भविष्यमा कोभिड-१९ महामारीका कारण देखा पर्नसक्ने जोखिमलाई ध्यान दिएर पूर्वतयारी अघि बढाउनुपर्नेमा जोड दिएका थिए।त्यसका लागि अस्पतालहरूमा अक्सिजनलगायत अरू सामग्रीहरू तयार अवस्थामा राख्न र होल्डिङ सेन्टरहरूको व्यवस्थापन गर्न सुझाव दिएका थिए।यसअघि यसै वर्षको सुरुमा देखिएको कोभिड-१९ को लहरसँग जुझ्न नेपालले अक्सिजन र आईसीयू सहितका जीवनरक्षक स्वास्थ्य सहयोग प्रणालीहरूको अभाव खेपेको थियो।के फेरि लकडाउन लाग्ला?नेपालमा कोरोनाभाइरसको सङ्क्रमण दर वृद्धि हुनसक्ने सङ्केतका माझ प्रधानमन्त्री नेतृत्वको निर्देशक समितिको बैठक हप्तामा एकपटक राखेर स्थितिको समीक्षा गर्नेबारे शुक्रवार छलफल भएको अधिकारीहरू बताउँछन्।लकडाउन वा यात्रामा निषेधाज्ञा लगाउने विषयमा छलफल भए या भएनन् भन्ने विषय बाहिर ल्याइएको छैन।तर प्रवक्ता नेपालले विभिन्न सम्भावित कदमहरूबारे शुक्रवारको बैठकमा छलफल भएको बताइन्।उनले भनिन्, 'हामीले दोस्रो लहर चल्दा पनि लकडाउन अपनायौँ। आफ्नो अवस्था कस्तो छ त्यो अनुसार नै जिल्लाहरूले अभ्यास गर्नुभयो। त्यस्तै अभ्यास अघि बढ्न सक्छ। यो निर्णयमा पनि आउन सक्ला तर अहिले नै मैले भन्न सकिन।'सीसीएमसीसीले आफ्नो जिल्लाको अवस्था हेरेर मापदण्ड तय गर्न तलका निकायहरूलाई निर्देशन दिएको उल्लेख गर्दै तेस्रो देश वा भारतबाट आउनेहरूलाई १० दिन घरभित्रै एक्लिएर बस्न विगतमा सुझाव दिइएको उनले उल्लेख गरिन्।'अहिले हामी आफैँले पनि अनुशासित हुनुपर्ने अवस्था देखिएको छ।'

Bizpati मंसिर २०७८

कोरोना महामारीका कारण मिति तय भएका ५ ओटा कम्पनीको साधारण सभा स्थगित

वैशाख ३१, काठमाडौं । कोरोना महामारीका कारण मिति तय भएका पाँच ओटा कम्पनीहरुले साधारण सभा स्थगित गरेका छन् । तिब्र गतिमा फैलिएको कोरोनाको दोस्रो लहरले गर्दा निषेधाज्ञा जारी रहेकाले ती कम्पनीहरुले साधारण सभा स्थगित गरेका हुन् । गोखार्ज फाइनान्स,वेष्ट फाइनान्स,जनरल इन्स्योरेन्स कम्पनी,प्रुडेन्सियल इन्स्योरेन्स र सानिमा जनरल इन्स्योरेन्स कम्पनीले मिति तय भएको साधारण सभा स्थगित गरेका छन् । सानिमा जनरल इन्स्योरेन्स कम्पनीले जेठ ११ गते आम्रपाली ब्याक्वेंटमा गर्ने साधारण सभा स्थगित गरेको छ । त्यसैगरी प्रुडेन्सियल इन्स्योरेन्सले जेठ २ गते होटल इच्छा सिमरामा गर्ने साधारण सभा स्थगित गरेको हो । त्यसैगरी जनरल इन्स्योरेन्सकोले वैशाख २६ गते, गोखार्ज फाइनान्सले वैशाख २१ गते र वेष्ट फाइनान्सले वैशाख ३१ गतेका लागि तय भएको साधारण सभा स्थगित गरेका हुन् । यस बाहेक नाडेप लघुवित्त वित्तीय संस्थाले जेठ ७ गतेको साधारण सभा रद्द गरेर पुन : जेठ २७ गते साधारण सभा बोलाएको छ । यही निषेधाज्ञा बीच भने दुई ओटा कम्पनीले साधारण सभा सम्पन्न गरेका छन् ।घलेम्दी हाइड्रो र जनउत्थान लघुवित्त वित्तीय संस्थाले साधारण सभा सम्पन्न गरेका हुन् । घलेम्दी हाइड्रोले सरकारले तय गरेको मापदण्ड अनुसार आवश्यक नियम पालन गरेर साधारण सभा सम्पन्न गरेको हो । त्यसैगरी जनउत्थान सामुदायिक लघुवित्तले बिहीवार भर्चुअल माध्यमबाट सभा सम्पन्न गरेको छ । कम्पनीले ४९ दशमलव ४० प्रतिशत बोनस शेयर र २ दशमलव ६० प्रतिशत नगद लाभांश वितरण गर्ने प्रस्ताव पारित गरेको हो ।

Aarthik Abhiyan बैशाख २०७८

काठमाण्डू उपत्यकामा निषेधाज्ञा एक साता थप, पहिला जारी गरिएका सबै पास 'रद्द' - BBC News नेपाली

बीबीसी नेपाली चैत्र २०७७

लकडाउन शुरु भएपछि प्रवाशी मजदूरहरु कठिन यात्रा गरेर घर फर्किन बाध्य

वैशाख २, नयाँदिल्ली । भारतमा कोरोना संक्रमणको दोस्रो लहर शुरु भएलगत्तै त्यहाँका राज्य सरकारहरुले कडाखाले लकडाउन जारी गरेपछि प्रवाशी मजदूरहरु घर फर्किन बाध्य भएका छन् । त्यहाँको नयाँदिल्ली, हरियाणा तथा महाराष्ट प्रदेशले दोस्रो लहर शुरु भएको भन्दै महामारीबाट बच्न निषेधाज्ञा जारी गरेका छन् । अनिश्चितकालिन निषेधाज्ञा लगाइएपछि प्रवाशी मजदूरहरु पुन घरतर्फ सार्वजनिक यातायातबाट कठिन यात्रा गर्दै घर फर्किरहेको दृष्य टेलिभिजन च्यानलहरुले प्रशारण गरिरहेका छन् । झण्डै एक वर्षसम्म सुस्ताएको भारतीय अर्थतन्त्र बौरिने अवस्थामा रहेकोमा कोरोना महामारीको दोस्रो लहर शुरु भएपछि थप अन्यौलमा पुगेको त्यहाँका सञ्चारमाध्यमहरुले बताएका छन् । पूर्वसावधानी अपनाउनु आवश्यक रहेको भन्दै सार्वजनिक भेलामा प्रतिवन्ध लगाइएको छ भने माध्यामिक तथा उच्च माध्यामिक तहका परीक्षाहरु रद्द गरिएका छन् । भारतमा गत २४ घण्टामा थप २ लाखभन्दा बढी व्यक्तिमा कोरोना भाइरसको सङ्क्रमण देखिएको छ । अस्पतालमा संक्रमितहरुको खचाखच भीड लागेको छ । भने त्यहाँका विरामीहरुले अक्जिन सिलिण्डर तथा रगतको अभाव झेलिरहेका छन् । नयाँदिल्लीका सरकारी तथा निजी अस्तालहरुमा प्लाज्मा रगतको अभाव केहिदिन यता पाँच गुनासम्मले बढेको छ । संक्रमणबाट मृत्यु हुनेको संख्या बढिरहेको भन्दै भारतीय टेलिभिजन च्यानलले त स्मसान घाटमा अन्तिम संस्कार गर्न पनि समस्या भइरहेको बताएको छ । कुल सङ्क्रमितको संख्या १ करोड ४० लाख ७४ हजारभन्दा बढी पुगेको भारतको केन्द्रीय स्वास्थ्य मन्त्रालयले बिहीवार बताएको छ। भारतमा कोरोना भाइरस सङ्क्रमणको माहामारी शुृरु भएयता एक दिनमा २ लाखभन्दा बढी संङ्क्रमित हुनु बुधवार पहिलो पटक भएको बताइएको छ । त्यहाँ कोरोनाबाट हालसम्म मृत्यु हुने व्यक्तिको संख्या १ लाख ७३ हजार नाघेको छ ।एजेन्सीहरुको सहयोगमा

Aarthik Abhiyan चैत्र २०७७