भरतपुर २, क्षेत्रपुरस्थित महानगर फलफूल तथा तरकारी बजारमा विषादी प्रयोग गरिएको केरा पाइएको छ । पदमपुरको एक बगानबाट ल्याइएको मालभोग केरामा बढी विषादी भएको भेटिएको हो ।
कृषि ज्ञान केन्द्र चितवनले स्थापना गरेको ‘विषादी अवशेष दु्रत विश्लेषण प्रयोगशाला’मा नमुना जाँच गर्ने क्रममा केरामा विषादीको मात्रा बढी देखिएको हो । ल्यावमा ३ जना प्राविधिक कार्यरत छन् । बिहान ६ बजेदेखि १० बजेसम्म प्रयोगशालामा समय दिएपछि उनीहरु ज्ञान केन्द्र कार्यालयको जिम्मेवारी लिन पुग्छन् ।