काठमाडौँ। विवेकशील साझा पार्टीले कारबाही गरेको मिलन पाण्डेले अध्यक्ष रवीन्द्र मिश्रविरुद्ध रिट दर्ता गराएका छन्। पार्टीको कारबाहीमा परेका पाण्डेले मिश्र र निर्वाचन आयोगविरुद्ध सर्वोच्च अदालतमा रिट दिएका हुन्।
कारबाही अघि पार्टीको संयोजक रहेका पाण्डेले पार्टीको एकीकरण घोषणापत्र र विधान खारेज गर्ने, सम्झौतापत्र अनुरुप एकता महाधिवेशन छल्ने, पार्टीको विधान र संविधान विरोधी दस्तावेज ल्याएर आफूमाथि अवैधानिक कारबाही गरेको भन्दै अध्यक्ष मिश्रविरुद्ध रिट दिएका हुन्।
