कालीकोट – राष्ट्रिय प्रसारण लाइनमा समस्या आएपछि दुई दिन (हिजाे मङ्गलवार) देखि कालीकोट र जुम्ला अन्धकार भएको छ ।
बिजुली बत्ती नभएपछि यस क्षेत्रमा विद्युतीय माध्यमबाट हुने कामकाज राेकिएका छन् । आज बुधवार दिनभर विद्युत् प्राधिकरणका कर्मचारीहरूले कहाँ बिग्रेको छ भनेर खोजी गरे पनि 'फल्ट' (गल्ती) नभेटिएको प्राधिकरणकाे कालीकोट वितरण शाखाका प्रमुख इन्जिनियर विमल शाहले बताउनुभयो । बत्ती नभएपछि दैनिक कामकाज गर्नसमेत असहज भएको सेवाग्राहीले गुनासाे गरेका छन् ।
बाँकेदेखि सुर्खेत, दैलेख हुँदै कालीकोट प...
