तनहुँको दमौली देखि चितवन जोड्ने बुद्धसिंह मार्गको अवरोध दुई साता पछि हटेको छ । विभिन्न एक दर्जन बढी स्थानमा गएको पहिरो हटाएपछि उक्त सडक खण्ड खुलेको हो ।
बेलबासदेखि घुमाउनेसम्म ३१ किलोमिटर कच्ची सडक बुधवारबाट अवरोध हटेको पूर्वाधार विकास कार्यालय दमौलीको सूचना अधिकारी इन्जिनियर धनमाया मिश्रले जानकारी दिनुभयो । गण्डकी प्रदेश सरकारको पाँच लाख रुपियाँ आर्थिक सहयोग डोजरको प्रयोग गरी अवरोध हटाइएको मिश्रले बताउनुभयो । ‘‘सडकमा भएको अवरोध हटेको छ थुनिएका नाहाला लगायतको भने हटाउने कार्य भने जारी नै छ’’ इन्जिनियर मिश्रले भन्नुभयो । मार्ग अवरोध हुँदा व्यास नगरपालिकाका अतिरिक्त बन्दीपुर, आँबुखैरेनी, देवघाट पालिकाका अधिकांश ग्रामीण भेगका कृषकद्वारा उत्पादित दूध, तरकारी लगायतका कृषि उपज बिक्री गर्न समस्या भएको बन्दीपुर गाउँपालिका–६ खहरे स्थित सेतीगङ्गा आधारभूत विद्यालयका प्रधानाध्यापक सिद्धान्त थापा मगरले जानकारी दिनुभयो ।