वाणिज्य बैंकहरुद्वारा ३५ खर्बभन्दा बढी कर्जा प्रवाह : एनआईसी एशिया बैंक पहिलो नम्बरमा

भदौ ७, काठमाडौं । गत आर्थिक वर्षको चौथो त्रैमाससम्म २७ वाणिज्य बैंकहरुले रू. ३५ खर्ब ३८ अर्ब ४२ करोडभन्दा बढी कर्जा प्रवाह गरेका छन् ।  बैंकहरुले सार्वजनिक गरेको उक्त अवधिसम्मको अपस्किृत वित्तीय विवरण अनुसार यी बैंकहरुले गत वर्ष औषतमा २७ दशमलव ३५ प्रतिशत बढी कर्जा प्रवाह गरेका हुन् ।  अघिल्लो वर्ष सोही अवधिसम्म यी बैंकहरुले रू.२७ खर्ब ७८ अर्ब ४५ करोडभन्दा बढी कर्जा प्रवाह गरेका थिए । कोभिड महामारीका बिच ग्राहक सेवालाई प्रमुख प्राथमिकतामा राखी व्यवसाय नियमित सञ्चालन गरेका बैंकहरुले अघिल्लो वर्षभन्दा बढाएरै कर्जा प्रवाह गरेका छन् ।  गत वर्ष बढी कर्जा प्रवाहमा एशिया बैंक अग्रस्थानमा रहेको छ । अघिल्लो वर्ष रू. १ खर्ब ६० अर्ब १८ करोडभन्दा बढी कर्जा प्रवाह गरेको एनआईसी एशिया बैंकले गत वर्ष ५५ दशमलव ३३ प्रतिशत बढी रू. २ खर्ब ४९ अर्ब ८१ करोडभन्दा बढी कर्जा प्रवाह गरेको हो । वृद्धि प्रतिशत पनि एनआईसी एशिया बैंककै सर्वाधिक रहेको हो ।  कर्जा प्रवाहमा रकमको हिसावमा दोस्रो नम्बरमा ग्लोबल आइएमई बैंक रहेको छ । यस बैंकले गत वर्ष रू. २ खर्ब २८ अर्ब ८९ करोडभन्दा बढी कर्जा प्रवाह गरेको हो । अघिल्लो वर्ष रू. १ खर्ब ९० अर्ब ३३ करोडभन्दा बढी कर्जा प्रवाह गरेको ग्लोबल आइएमई बैंकले गत वर्ष २० दशमलव २६ प्रतिशत बढी कर्जा प्रवाह गरेको हो । गत वर्ष स्ट्याण्डर्ड चार्टर्ड बैंकले सबैभन्दा कम कर्जा प्रवाह गरेको छ । यस बैंकले रू. ६२ अर्ब ४० करोडभन्दा बढी मात्र कर्जा प्रवाह गरेको हो । अघिल्लो वर्ष यसै अवधिसम्म बैंकले रू. ५२ अर्ब ८१ करोडभन्दा बढी कर्जा प्रवाह गरेको थियो । अघिल्लो वर्षभन्दा गत वर्ष स्ट्याण्डर्ड चार्टर्ड बैंकको कर्जा प्रवाह १८ दशमलव १७ प्रतिशत बढेको हो । गत चौथो त्रैमाससम्म वाणिज्य बैंकहरुले प्रवाह गरेको कर्जाको अवस्था : (रकम रू. हजारमा)                                                     स्रोतः बैंकहरुले सार्वजनिक गरेको वित्तीय विवरण