काठमाडौं (अस) । प्रभु क्यापिटलले लगानी व्यवस्थापन सेवाअन्तर्गत नयाँ प्रडक्ट प्रभु ऐश्वर्य योजना सञ्चालनमा ल्याएको छ । बैंकले हरितालिका तीज अवसर पारेर महिलालाई लक्षित गरी उनीहरूको आर्थिक सशक्तीकरण र वित्तीय स्वतन्त्रतामा सहयोग पु¥याउन यो योजना सञ्चालनमा ल्याएको हो ।
योजनामा सहभागी हुन चाहने महिला ग्राहकले न्यूनतम ३ लाख रुपैयाँबाट लगानी व्यवस्थापन सेवा सुरु गर्न सक्नेछन् । यसमा कम्पनीले वार्षिक रूपमा लिने लगानी व्यवस्थापन सेवाशुल्कमा ५० प्रतिशत छुट दिनेछ । योजनामा सलंग्न ग्राहकले कम्पनीका अन्य पीएमएसका योजना जस्तै दैनिक रूपमा अनलाइनबाटै आफ्नो पोर्टफोलियो हेर्न सक्नेछन् भने साप्ताहिक पोर्टफोलियोको विवरण इमेलमार्फत पाउन सक्नेछन् ।
